Әйелдер лигасы: төртінші турда жеті матчтың алтауы ірі есеппен аяқталды

Бесінші мамырда әйелдер арасындағы Қазақстан чемпионатының төртінші тур ойындары өтті. Бұл жолы жеті мачттың алтауы ірі есеппен аяқталды. 

Кездесулердің нәтижесі:

«Томирис-Тұран» – «Жетісу» – 8:0
«Қайрат» – «Тобыл» – 7:1
«Ақтөбе» – «Жеңіс» – 11:0
«Қызылжар» – «Оқжетпес» – 8:0
«БИІК-Шымкент» – «Ұлытау» – 12:0
«Атырау» – «Қайсар» – 0:6
«Астана» – «Елімай» – 2:2. 

Бұл турдың алғашқы ойыны Түркістанда өтті. Жергілікті «Томирис-Тұран» Талдықорғаннан келген «Жетісу» клубын қабылдады. Бұл кездесуде аса қатты сенсация болған жоқ. Алаң иелері қарсылас қақпасына жеті бірдей жауапсыз гол соғып, турнир кестесіндегі бірінші орынын сақтап қалды. 

Алматыда «Қайрат» Қостанайдың «Тобыл» командасын қабылдады. Аталған матч та ірі есеппен аяқталды. Ойын 7:1 есебімен «Қайраттың» пайдасына шешілді. 

Әйелдер лигасы: төртінші турда  жеті матчтың алтауы ірі есеппен аяқталды
Сол секілді биылғы жылы чемпиондықтан үмітті «Ақтөбе» Астананың «Жеңіс» клубынан 11:0 есебімен басым түсті. Осы ойында «Ақтөбе» футболшысы Қазына Норбаева хет-трик жасады. 

Солтүстіктегі «Қызылжар» мен «Оқжетпес» арасындағы кездесуде 8 гол соғылды. Барлық доп Петропавл клубының қыздарының еншісінде. «Қызылжар» сапынан Арайлым Орынбасарова хет-триктің авторы атанды. 

«Ұлытау» Шымкентке қонаққа барған. Еліміздің бірнеше дүркін жеңімпазы, УЕФА Чемпиондар лигасының қатысушысы БИІК есепті алғашқы минуттан ашты. Ойын аяқталғанша олар тағы 11 гол соқты. Қорытынды есеп – 12:0. Роземари Олувафунмалайо Адесина мен Гүлнара Габелиа покердің авторы атанды.

Грузиялық футболшы Габелиа 12 доппен қазір сұрмергендер көшін бастап тұр. 
Осы турдағы күтпеген нәтиженің бірі Атырауда тіркелді. Қаламен аттас жергілікті команда Қызылорданың «Қайсарын» қабылдаған. Бұл турдың алдында екі команда турнир кестесінде көршілес болған. Алайда матч барысында «Қайсар» алты бірдей жауапсыз гол соғып, жеңіске жетті. 

Осы турдағы ең тартысты әрі тең аяқталған жалғыз матчқа елордада куә болдық. «Астана» өз алаңында Семейдің «Елімай» командасын қабылдады. Қонақтар екінші таймның ортасында екі доп айырмашылығымен алда тұрған. Бірақ Бегайым Қырғызбаева шәкірттері басымдықты соңына дейін ұстап қала алмады. Алаң иелері матч соңына дейін таразы басын теңестіріп үлгерді. Сөйтіп маусымдағы алғашқы ұпайларына қол жеткізді.

Әйелдер лигасының бесінші турының ойындары 12 мамырда өтеді.