Наргиз Нұрғалиева: Біздің мүмкіндігіміз бұдан да жоғары

Астананың «Жеңіс» әйелдер командасы дебюттік маусымында тәп-тәуір ойын көрсетіп жүр. команда бесінші турда «Атыраудан» ірі есеппен басым түсті. Ойыннан кейін команданың жартылай қорғаушысы Наргиз Нұрғалиевамен сұхбаттасудың сәті түсті.

 – Наргиз, жеңіс құтты болсын. Бүгінгі ойын қалай болды?

 – Рахмет. Бастысы – нәтиже. Біз соған қол жеткізді. Шыны керек, бұдан да жақсы ойнауға болар еді. Әлі де жетілдіретін, жұмыс істейтін тұсымыз көп. 

 – Бүгін гол соқтың. Матчтан кейін эмоция қалай болып жатыр?

 – Қатты қуандым! Алаңға шықтым – гол соқтым. Мақсатым сол болатын. Дегенмен біз бұдан да жақсы ойнай аламыз. 

– Келесі ойын – Түркістанның «Томирис-Тұран» клубымен өтпек. Чемпионатағы фаворит ұжымдардың бірімен кездесуден не күтесің?

 – Біз қателіктен қорытынды шығарып, алдағы апта барлық күшімізді саламыз. Қолымыздан не келетінін көрсетуге тырысамыз. 

 – «Жеңіс» сапында шетелдік легионер жоқ. «Ал «Томиристе» шеберлігі жоғары сырттан келген ойыншылар бар. Бұл қаншалықты қиындық тудырады?

 – Иә, оңай болмайды. Қарсыластың құрамына қарамастан, біз бапкердің тапсырмасын орындап, алаңда соңғы күшімізді сарқып ойнауға дайынбыз. Бұл біз үшін жақсы тәжірибе болмақ. «Томирис» секілді клубтармен ойнаудың өзіндік ерекшелігі бар.

 –  Биыл чемпионатқа алғаш ре 14 команда қатысып жатыр. Жаңа формат көңілден шықты ма?

 – Мен бұған қуаныштымын. Әйелдер футболын дамытуға деген үлкен адам деп білемін. Футбол дамып жатыр, Қазір осы спорт түрімен айналысушылар көбеюуде.

– «Жеңіс» басшылығы маусымға қандай мақсат қойды?

 – Біз өз күшімізді максимум көрсетуіміз керек. Әзірге чемпионатқа бой үйретіп жатырмыз.Команда әлі толық бабына еніп үлгермеді. Бірақ біз алдымызға жоғары мақсат қойып, жүлделі орындарға таласуды көздеп отырмыз.