Бірінші лига: Сегізінші турда жанкүйерлерді Өскемен мен Тараздағы тартысты кездесулер күтіп тұр

Басталуы: 16:30

Өтетін орны: BS Arena стадионы (Ақтау)

Қарсыластардың жеке кездесу тарихы:

– Ойындар саны: 2

– «Каспийдің» жеңісі: 1

– «Хан-Тәңірінің» жеңісі: 1

 

Бірінші лиганың көшін бастап тұрған «Каспий» өз алаңында жеті турдан кейін 11-орында тұрған «Хан-Тәңірі» клубын қабылдайды. Алматы ұжымы әзірге өз ойынын таба алмай жүр. Дегенмен ақтаулықтар үшін үш ұпай қоржында деуге әлі ерте. Өткен маусымда да олар фаворит саналып, «Хан-Тәңірінен» 3:5 есебімен жеңіліп қалған. Сол жеңілістен соң «Каспий» Премьер-лигаға шыға алмай қалған еді.

 

Басталуы: 16:30

Өтетін орны: «Жас Қыран» стадионы (Алматы)

Қарсыластардың жеке кездесу тарихы: алғашқы кездесу

 

Биылғы маусымда Бірінші лигада тағы бір алматылық дерби пайда болды. Турнир дебютанты бұған дейін «Хан-Тәңірімен» (1:1) тең ойнап, алғашқы ұпайын еншілеген. Енді олар тағы бір алматылық ұжым – «Қайрат-Жастармен» кездеседі. Қазіргі таңда AKAS жеті турдан кейін екі қарсыласынан да жоғары тұр. «Қайрат-Жастар» сапында Премьер-лигада ойнаған футболшылар болса да, оларды бұл кездесуде айқын фаворит деу қиын.

Басталуы: 17:00

Өтетін орны: О. Жарылқапов атындағы стадион (Түркістан)

Қарсыластардың жеке кездесу тарихы:

– Ойындар саны: 3

– «Түркістанның» жеңісі: 0

– SD Family жеңісі: 2

– Тең ойындар: 1

 

«Түркістан» клубы «Ақтөбе-Ж» және «Екібастұзбен» бірге турнир кестесінің соңғы жағында орналасқан. Алайда SD Family де кейінгі үш ойында бар болғаны бір ұпай жинап, қиын кезеңді бастан өткеріп жатыр. Дегенмен жеке кездесулерде астаналықтардың түркістандықтарға қарағанда статистикасы жақсы. Қос ұжым бұған дейін үш мәрте кездесіп, соның екеуінде астаналықтар 5:0 есебімен жеңіске жеткен. Соның бірі биылғы Қазақстан кубогының іріктеу кезеңінде тіркелген.

 

Басталуы: 17:00

Өтетін орны: БИІК стадионы (Шымкент)

Қарсыластардың жеке кездесу тарихы:

– Ойындар саны: 8

– «Оңтүстіктің» жеңісі: 2

– «Екібастұздың» жеңісі: 4

– Тең ойындар: 2

 

«Екібастұз» клубы «Оңтүстіктен» 2019 жылдың шілдесінен бері жеңілмей келеді. Сол уақыттан бері қонақтар төрт рет жеңіске жетіп, екі рет тең түскен. Алайда бұл жолы павлодарлық клубқа Шымкенттен үш ұпай олжалап қайту оңайға соқпайтыны анық. Қазіргі таңда «Екібастұз» Бірінші лигада ең көп гол өткізген және әлі жеңіске жетпеген команда. Ал «Оңтүстік» керісінше, кейінгі төрт ойында жеңілмей, тамаша формада келеді. Өткен турда олар сырт алаңда Ertis-ті жеңіп тұрып, тек қосымша уақытта ғана тең ойнап қалды.

 

Басталуы: 16:00

Өтетін орны: «Восток» стадионы (Өскемен)

Қарсыластардың жеке кездесу тарихы: алғашқы ресми кездесу

 

Бұл екі клубтың ресми алғашқы кездесуі болғанымен, Өскемен мен Қарағанды командалары арасындағы бәсеке тарихы сонау 1966 жылдан басталады. Бірақ 2013 жылдан бері бұл өңірдің клубтары өзара кездеспеген. «Алтай» мен «Шахтер» арасындағы тартыс – сегізінші турдың орталық ойыны деуге болады. Өйткені «Шахтер» – Премьер-лигаға басты үміткерлердің бірі болса, «Алтай» – үздік үштіктен дәмелі ұжым. Егер Вахид Масудов шәкірттері өз алаңында жеңіске жетсе, алғашқы үштікке ену мүмкіндігі жақсара түспек.

Статистикаға сәйкес, «Шахтер» – ең көп гол соққан команда (16), ал «Алтай» – ең аз гол өткізген ұжым (4). Бұл ойында нәтижелі шабуыл жеңе ме, әлде мығым қорғаныс па? Бұл сұрақтың жауабы 29 мамырда белгілі болады.

 

Басталуы: 16:30

Өтетін орны: «Орталық» стадион (Тараз)

Қарсыластардың жеке кездесу тарихы:

– Ойындар саны: 61

– «Тараздың» жеңісі: 11

– Ertis-тің жеңісі: 32

– Тең ойындар: 18

 

Турдың тағы бір маңызды кездесуі Таразда өтеді. Бұл ойында Бірінші лиганың бас жүлдесіне үміткер командалар шеберлік байқасады деуге болады. Алты чемпиондық пен екі кубокты еншілеген бұл клубтар бір кездері жоғары лиганың командалары болған. Енді олар Бірінші лигада бақ сынап жүр. Ertis кейінгі екі ойында жеңіске жете алмай, үшінші орынға түсіп қалды. «Тараз» да соңғы екі кездесуін тең нәтижемен аяқтады. Қазір екі команда арасын жеті ұпай бөліп тұр.

Басталуы: 16:30

Өтетін орны: «Орталық» стадион (Жетісай)

Қарсыластардың жеке кездесу тарихы:

– Ойындар саны: 2

– «Жетісайдың» жеңісі: 2

– «Ақтөбе-Ж» жеңісі: 0

 

Өткен маусымда «Жетісай» екі матчта да «Ақтөбе-Ж» командасын жеңген. Қазір де оңтүстік командасы тамаша формада. Турнир кестесінде олар ақтөбеліктерден жеті ұпай мен алты саты жоғары тұр. «Ақтөбе-Ж» кейінгі екі ойында қарсыластарына 2:6 есебімен жол берді. Игорь Прохницкий шәкірттері бұл жолы кем дегенде тең ойнауға тырысатыны анық.