Бірінші лига: Екінші турда жанкүйерлерді алматылық дерби күтіп тұр

 

Басталуы: 14:00

Өтетін орны: «Орталық» стадион (Жетісай қаласы)

Екі команда алғашқы турда қарсыластарынан басым түсіп, маусымды сәтті бастады. «Жетісай» сырт алаңда «Таразды» 2:1 есебімен жеңсе, «Каспий» өз алаңында Бірінші лиганың дебютанты — AKAS командасын 3:1 есебімен тізе бүктірді. Екінші турда екі ұжымның бірі ұпай жоғалтатыны анық. Былтырғы маусымда қос команда екі рет кездесіп, «Жетісай» ақтаулықтардың қақпасына бірде-бір гол соға алмаған еді — 0:0 және 0:2. Биыл оңтүстік командасы «Каспий» қақпасына гол соға ала ма екен?

 

Басталуы: 14:00

Өтетін орны: СДЮСШОР стадионы (Ақтөбе қаласы)

Бірінші лиганың ең атақты клубтарының бірі — Ertis бірінші турда-ақ Премьер-лигаға оралуға ниетті екендігін айқын аңғартты. Павлодарлықтар алғашқы турда «Екібастұзды» 4:0 есебімен тас-талқан етіп, турнир кестесінде көш бастады. Екінші турда Қайрат Нұрдәулетов баптайтын команда Ақтөбеде «қызыл-ақтардың» жастар құрамасымен кездеседі. Қағаз жүзінде Ertis бұл матчтың фавориті саналады.

 

Басталуы: 16:30

Өтетін орны: Т. Сегізбаев атындағы академия стадионы (Алматы қаласы)

Алматылық екі ұжым арасындағы кездесуді турдың орталық ойыны деп айтуға болады. Былтырғы маусымда қос команда екі рет кездесіп, екеуінде де «Қайрат-Жастар» жеңіске жеткен болатын — 2:0 және 3:0. Дәл осы ойындардағы алты ұпай «Хан-Тәңіріне» Премьер-лигаға жолдама алуға жетпей қалған еді. Жаңа маусымды алматылық командалар әртүрлі бастады. Мәселен, «Қайрат» SD Family ұжымынан 0:3 есебімен жеңілсе, «Хан-Тәңірі» «Ақтөбе-Ж» клубынан 2:0 есебімен басым түскен болатын.

 

Басталуы: 14:00

Өтетін орны: «Шахтер» стадионы (Қарағанды қаласы)

«Шахтер» былтыр алғаш рет Премьер-лигадан шығып қалды. Бірақ команда элитаға оралудың алғашқы қадамын сәтті жасады. Сырт алаңда «Түркістанды» 2:1 есебімен жеңіп, алғашқы үш ұпайын иеленді. Енді қарағандылықтар өз алаңында, жанкүйерлерінің алдында алғашқы үй кездесуін өткізеді. Қарсылас — елордалық SD Family. Бұл команда маусымды «Қайрат-Жастарды» 3:0 есебімен жеңіп, өте сәтті бастаған. Бірақ Қарағандыда оларға ұпай алу оңай болмасы анық.

 

Басталуы: 14:00

Өтетін орны: «Шығыс» стадионы (Өскемен қаласы)

«Екібастұз» үшін биылғы маусым аса сәтті басталған жоқ. Андрей Шумараның шәкірттері бірінші турда Ertis командасынан 0:4 есебімен ойсырай жеңілді. Енді «шахтерлерді» Өскеменде тағы бір қиын ойын күтіп тұр. Олар сырт алаңда Вахид Масудов жаттықтыратын «Алтаймен» кездеседі. Масудов — Бірінші лигадағы ең атақты қазақстандық бапкер. Алғашқы турда Шығыс Қазақстан облысының командасы сырт алаңда «Оңтүстік» клубын 2:0 есебімен жеңіп, өздерін жақсы қырынан көрсеткен еді. Енді өз алаңында сол жеңісті жолын жалғастыруы тиіс.

 

Басталуы: 16:30

Өтетін орны: «Жас Қыран» стадионы (Алматы қаласы)

AKAS клубы үшін бұл — Бірінші лигада өз алаңында өткізетін алғашқы ойын. Бірінші турда алматылық команда сырт алаңда «Каспийге» 1:3 есебімен есе жіберген болатын. «Түркістан» да бірінші турда өз алаңында «Шахтерге» 1:2 есебімен жол берді. Бұл матчтың фаворитін атау қиын, себебі қос команда бұған дейін ресми кездесулерде бірде-бір рет жолықпаған.

 

Басталуы: 16:30

Өтетін орны: БИИК стадионы (Шымкент қаласы)

Шымкентте бірінші турда қарсыластарына жол берген екі команда өзара күш сынасады. «Оңтүстік» алғашқы ойында «Алтайға» 0:2 есебімен жол берсе, «Тараз» өз алаңында «Жетісайдан» 1:2 есебімен жеңілген болатын. Енді қай команда чемпионаттағы алғашқы ұпайын еншілейді екен? Әлде екеуі де маусымдағы алғашқы ұпайын бөлісе ме? Қалай болғанда да, жанкүйерлерді тартысты ойын күтіп тұр.